Cent Ballades (Christine de Pisan)/Ballade XCIII

Cent Ballades, Texte établi par Maurice Roy, Firmin Didot, 1886 (p. 93-94).

◄ N’il n’est si bon qu’ilz n’y treuvent a dire

collection Il a assez science acquiseChristine de PisanSociété des anciens textes françaisFirmin Didot1886ParisC Il a assez science acquiseDe Pisan - Œuvres poétiques, tome 1.djvuDe Pisan - Œuvres poétiques, tome 1.djvu/993-94

XCIII

Les roys, les princes et les sages,
Et les preux du temps ancien,
Ilz avoient tout plein d’usages,
Dont l’en ne fait maintenant rien ;
Ilz amoient sur toute rien
Honneur trop plus que convoitise.
Mais adès qui garde le sien,
Il a assez science acquise.

Proece, honneur, grans vacelages
Ot l’empereur Ottovien,^[1]
Sage fu, prudent et moult larges,
Pour ce de ses fais lui prist bien ;
Mais qui tient cri destroit lien
Son avoir, adès cil on prise,
Quel que soit le nyce maintien,
Il a assez science acquise.

Et pour ce font de grans oultrages
Les convoiteux de mal merrien
Aux pouvres gens, et mains domages,
Mais jamais ne diroient « tien »,
Mais trop bien « ce cy sera mien »
Qui de traire a soy scet la guise,
Par flaterie ou par moyen,
Il a assez science acquise.

↑ Note Wikisource : voir un erratum en p. 319.

[1] Note Wikisource : voir un erratum en p. 319.

[1]