C’est une folie extrême
ODE. XII,
C’eſt vne folie extreme
D’eſtre fidele en amour,
Il faut aymer qui nous ayme
Et changer de iour en iours
Qui vn ſeul but ſe propoſe,
Ne fait iamais grande choſe,
Les dames ayment le change,
Et n’ont iamais de deſſein
Qui n’ait touſiours du meſlange,
Et double ainſi que leur ſein :
Ne blaſmez, telle aduenture,
C’eſt l’effait de leur nature.
L’vne aymera la richeſſe,
L’autre aymera les diſcours,
Ceſte-cy l’art & l’adreſſe,
Celle là le ieu d’amours ;
Iamais d’vne meſme ſorte,
Ce faux ſexe ne ſe portes.
Si l’vne feint reconnoiſtre
L’affection de nos cœurs,
L’autre en bref la fait deſcroiſtre
Et ſe mocque de nos pleurs :
Et iamais ſous telle enuie
Ne s’eſtime bien ſeruie,
Aymez, & ſoyez fidele,
Vous deuiendrez odieux ;
Faignez, ſoyez infidele,
On vous recherche en tous lieux :
Ainſi changeant de figure
Se deſguiſe leur nature.
Qui folatre affectionne
Quelque fille que ce ſoit,
Tant plus il ſe paßionne
Tant plus de mal il reçoit :
C’eſt vne douce folie,
Où plus on entre on ſe lie.
Mais c’est bien faute plus grande,
Quand nous croyons empeſcher
Qu’vn autre amant ne pretende
Au bien que tenons ſi chers,
Celuy court à la cadene
Qui de ce point eſt en peine.
Et plus fol qui coniecture
Sans dommage & ſans meſchefs,
Eien garder vne ferrure
Dent chaſcun porte la clef :
Il n’eſt de place tant forte
Où l’on n’entre de la ſorte.
C’est doncques folie extreme
D’eſtre fidele en amour,
Il faut aymer qui nous ayme,
Et changer de iour en iour ;
Qui diuers buts ſe propoſe,
Fait ſouuent quelque grand’choſe.