Ballades sur plusieurs sujets/Ballade XXVIII
Du régime quod dedistis,
Cognoscens que tressaigement
Me, Monseigneur, docuistis,
Je vous remercie humblement ;
Mais d’ainsi faire seurement,
Nunquam uxor concordabit,
Hoc mains debaz generabit.
Je ne sçay si bien novistis
L’infinie peine et tourment,
In quibus me posuistis,
Se je croy vostre enseignement ;
Car tant congnois, s’aucunement
Fais du sourt quando temptabit,
Hoc mains debaz generabit.
Je voy trop bien quod dixistis
Ce qu’on doit dire bonnement,
Et qu’aussi me avertistis
De ma santé entierement ;
Mais quant je feray autrement,
Le fait d’autres recordabit ;
Hoc mains debaz generabit.
Prince, selon mon sentement,
Il fault s’acquiter loyaument ;
Quia qui non laborabit
Hoc mains desbaz generabit.