◄ Laisse XXX | Laisse XXXI | Laisse XXXII ► |
XXXI[1]
Feit un breus scrire qu’il tremist en Ongrie
Au roi Florent, qu’en avoit seignorie,
Qe bien gardast devers cele partie
Ne domajasent sor lui la gient ahie ;
Ne qiert plus de servis ni autre manantie,
Car se pur bien i garde, si avra sa druerie.
Un autre en envoia Disirer de Pavie,
Qe tient Millans et Brisse et tote Lombardie,
Qe la mer de Venese gard bien vers Sclavonie,
Qe Turc n’i pragne port, ni Grés de Romanie,
Car de tote la gerre ne li qiert autre ahie.