◄ Laisse CLIII | Laisse CLIV | Laisse CLV ► |
CLIV[1]
Rollant parole e dist « Hei ! cheitis hom,
« Cum tu is fort plains de tencion
« Sol en la loi de ta destrucion !
« Donc ne veus croire, se par nature non,
« Que Diex poüst sens d’autr’ome chaison
« Vergne aombrer e prandre carnaison
« Le primer home ? » E cil dist : « De limon
« Le forma Diex, cher de fi le savon,
« Pués li hosta la feme dou galon. »
Respont Rollant : « A Diex benicion !
« Or te porpense se vais contre raison.
« S’il ne nasqui Adam, com nos lison,
« Fu il donc home ? Fa ceste asolution. »