◄ Laisse CCLXXX | Laisse CCLXXXI | Laisse CCLXXXII ► |
De ce joient les princes, li duch les barons.
« Par mon cief, il a droit », ce dit le roi Çarlons,
« Hestous ; ni baste mie ch’il hoit sté en prisons,
« E cil les ranpognent che de cil fu ocaisons.
— Oï voir », respondi Hestous, le fil Otons.
— Signor », dit Naimes, « hoimés de cist laisons ;
« De ce che voi un petit parlerons :
« Dou bel destrer che devant nos veons
« Ne parleç rien, che li ses per n’avons ? »
Hoster li feit le chier sami de brons ;
Dou garder penent les mendres sor li lons.
Au roi dit Names : « Sir, ce est rice dons ;
« Ne fu si beus, voire croi, ne si bons. »
Rolant le prant por le rice frenons ;
Le roi regarde et treit ses capirons :
« Preneç le, sire ». Çarlon fist le repons :
« Ne place Deus, niés, che le vos toilons ;
« S’il fust hestor, esparver o fauchons,
« Je le prendisse ; mai de vos entendons
« Feir come feit li mercheant prodons
« Quant oit noriç fil o niés grant e lons :
« Se il feit bien e ne le voit felons,
« Sa marchandise li met tot a bandons,
« Aler l’en laise e por vals e per mons ;
« E cil porchace, chi bien soit sa raisons.
« Da Deu, bel niés, e de ma nuriçons
« Vos voi si feit che desor vos metons
« Les fais des armes che porter solions. »
Teris apelle : « Moine cist Aragons
« Pres Vailentin, si li’n fais compagnons.
« Se amblant aveç palafroi ni ronçons,
« Sil nos amoine, che cil bien recevrons.
« E vos, Hestous, hosteç vos garnisons,
« Si irons disner : hore est e saisons. »