Amour Amour, donne moy paix ou treve

Pierre de Ronsard

Amour Amour, donne moy paix ou treve

Les Amours, Texte établi par Hugues Vaganay, Garnier, 1923, 1 (p. 12).

XI

Amour Amour, donne moy paix ou treve,
Ou choisissant un autre trait plus fort,
Tranche ma vie, et m’avance la mort :
Quand l’amour faut, la vie est tousjours breve.
Un soing fécond en mon penser s’esleve,
Que mon sang hume, et l’esprit me remord,
Et dTxion me fait égal au sort,
De qui jamais la peine ne s’achève.
Que dois- je faire ! Amour me fait errer
Si hautement que je n’ose esperer
De mon salut qu’une langueur extrême.
Puis que mon Dieu ne me veut secourir,
Pour me sauver il me plaist de mourir,
Et de tuer la mort par la mort mesme.