Que mon sort est ambitieux
De vouloir terminer ma vie
De la plus belle fin et plus digne d’envie
Dont jamais un mortel soit monté dans les cieux !
Celle à qui j’ay donné ma foy
Force tout à lui rendre hommage.
Si c’est idolatrer d’adorer son image,
Le ciel est idolatre aussi bien comme moy.
Aux piés de sa divinité
Toutes offrandes sont petites,
Et faut que l’on confesse, en voyant ses merites,
Que rien n’est digne d’eux que ma fidelité.
Aussi j’ay l’esprit si content
De la gloire qui m’est offerte
Que, si quelqu’un vouloit s’opposer à ma perte,
Je le croirois jaloux de l’honneur qui m’attend.
Cherche qui voudra le trespas
Dans une meslée homicide,
Où l’heur d’estre blessé d’un Mars ou d’un Alcide
Fait que mesme en la mort on trouve des appas.
