Œuvres complètes de Bernard Palissy/Recepte véritable par laquelle tous les hommes de la France pourront apprendre à multiplier leurs thrésors
RECEPTE VÉRITABLE,
PAR LAQUELLE TOUS LES HOMMES DE LA FRANCE
POURRONT APPRENDRE À MULTIPLIER
ET AUGMENTER LEURS THRÉSORS.
Item, ceux qui n’ont jamais eu cognoissance des lettres, pourront apprendre une philosophie nécessaire à tous les habitans de la terre.
Item, en ce liure est contenu le dessein d’un iardin autant délectable et d’utile inuention, qu’il en fut oncques veu.
Item, le dessein et ordonnance d’une ville de forteresse, la plus imprenable qu’homme ouyt iamais parler, composé par maistre Bernard Palissy, ouurier de terre, et inuenteur des rustiques figulines du Roy, et de Monseigneur le duc de Montmorancy, pair et connestable de France, demeurant en la ville de Xaintes.
F B.[1] À. M. BERNARD PALISSY,
son singulier et parfait ami, salut.
Si le malin vulgaire, ami Bernard,
Mesdit souuent de ce qui est louable,
Craindras-tu point, veu mesme ton propre art,
Luy diuulguer ce liure profitable ?
Non, si me crois : car il m’est agreable,
Quoy que voudroyent enuieux mal parier :
Les ignorans, de l’art tant admirable,
Par ton moyen y pourront profiter.
AV LECTEVR, salut.
En petit corps gist souuent grand puissance,
Ce qu’entendras, lecteur, lisant ce liure,
Qui de nouueau est mis en euidence,
Pour d’aucuns sots, l’erreur ne faire viure :
Car il demonstre à l’œil, ce qu’il faut suiure,
Ou reietter, en ses dits admirables :
En recitant maints propos véritables,
Tend à ce but, qu’art imitant nature,
Peut accomplir, que maints estiment fables,
Gens sans raison, et d’inique censure.
- ↑ Probablement François Béroalde de Verville, son contemporain, auteur du Moyen de parvenir.