Thresor de la langue françoise/Voir
Voir, neutr. gen. monosyll. Signifie vray, & vient de Verum Latin, & est fait comme Soir de Serò, & Veoir de Videre, & Croire de Credere, & Douloir de Dolere, Les anciens en vsoyent ordinairement, disans il est voir, Il dit voir, Verum est, Verum ait, Mais à present on vse de Vray, qui est fait dudit mot ancien par transposition de lettres, & mutation de o en a. Mais quoy que ce primitif Voir soit maintenant inusité, si en demeurent ils en vsage commun, ces deux voire, (duquel on vse par interrogation, ou admiration, quand aucun propos nous est tenu duquel nous redemandons la verité à celuy qui parle à nous, ou nous en esbahissons ; disans, voire ? Verúmne est ? Itáne est vt narras ? Et par affirmation quand nous le geminons, voire voire, Sanè quidem, Et par ironie, voire, voire, Bellè scilicet, Et sans le geminer, comme vrayement voire, ou voire vrayement, Scilicet profectò ? Rem tu veram narras scilicet, Et voire deà, Scilicet, l'Italien ne transforme gueres le Latin, disant, vero, & veramente, mais l'Espagnol trop plus, disant verdadero, verdaderamente, Qu'il tire du Latin Veritas, Et en aduerbe, ainsi que Verum Latin, mais c'est auec l'adionctiō ou de la particule aduerbiale Mais, voire mais i'en porteray la peine, At enim isthæc in me cudetur faba, Verùm omne malum in me recidet, Ce que le Latin rend auβi pour quin & Atqui, Comme voire mais l'argent est tout prest, Quin paratum argentum est, Voire mais dy moy, Quin dic mihi.) Et voirement aduerbe, Certè profectò, Voiremēt vous viendrez, Profectò etiam si reluctans venies, Auquel on prepose quelquesfois ladite particule Mais, comme, Mais voirement qui me garde que ie r'entre ? Atque adeo autem, cur non egómet intrœo ?
Voir disant, m. acut. Est composé de deux entiers, celuy qui dit vray & parle à la verité, Veridicus, Et est epithete affecté aux Heraulds, par ce que le deuoir de leur office est d'auoir tousiours la verité à la bouche, & ainsi sont ils nommez au traicté du serment qu'ils doiuent prester en leur institution audit estat.