Thresor de la langue françoise/Vers (envers)
Vers, Il vient de Versus, aduerbe, & comme a esté dit en Enuers, il se prent tantost en bonne part, & pour Erga Latin, comme il a esté vers moy loyal, tantost en mauuaise part, & pour Contra Latin, comme
oncques vers le Roy ie ne pensay mal ne trahison, tantost il se prent pour Apud Latin. Des essars au 1. liur. de Iosephe, Dont il demanda aduis à Cestius, vers lequel il accusa grandement les Iuifs de rebellion & mutinerie, Apud quem Iudaeos seditionis reos fecit. Il se prend aussi pour deuer, ou par deuers Ad. Au 3. liur. d'Amad. Et furent Angriote & Garuate ordonnez pour aller vers le Comte, c'est à dire, deuers ou par deuers le Comte. Qui proficiscerentur ad Comitem, qui Comitem adirent. Et en Maugist, or s'en va le Duc Beuues auec sa gent vers Aigre mont, ce que le Latin dit, Acramontem versus, en postposant l'aduerbe.