Thresor de la langue françoise/Van
Van, m. Vient de Vannus Latin, par apocope, & signifie cet instrument rustique fait d'osier, en forme de coquille marine, dont les grains sont vanez & criblez, Columel. lib. 2. cap. 21. Ipsæ autem spicæ meliùs fustibus tunduntur, vannisque expurgantur. Par là est cognu que le van dont on vane les grains en France, est proprement ce que les Latins appellent Vannus, & non le grand crible à fonds de peau troüée à longs trous pendant à trois cordes attachées aux cimes de trois perches portans sur terre en triangle, auec lequel au païs de Languedoc & lieux adiacents on crible à l'aire les grappiers, ores qu'il y soit appelé Van.
Vaner, act. acut. Est auec le van nettoyer les grains, ce qui se fait, tenant le vaneur le van à deux mains, & le hochant auec la cuisse, & iettant l'immondice auec vn plumard ou vergette faicte d'vne aisle de volaille.
Vaneur, m. ac. Est celuy qui vane les grains, Ventilator, Expurgator.
Vanier, m. acut. Est celuy qui fait & debite les vans, Vanifex.