Thresor de la langue françoise/Aubain
(2, p. 57).
Aubain, m. acut. est celuy qui d’vn pays dont il fut né, se transporte, & fait sa demeure en vn autre. Aduena, qui non est indigena, neque αύτόχτων. Et semble qu’il soit dit de Auber, Mot vsité parmy les gens de village, qui signifie bouger, & se remuer d’vn lieu à autre. Et par ce que tels aduentifs ne peuuent iouyr des droits & aduantages des naturels du pays où ils fichent leur bourdon, sans estre naturalisez, & que leurs biens tombent au fisc apres leur decez vacquants, & seigneur, pour cete cause on dit Aubin, ce que le Latin dit, Extraneus, Peregrinus. Les anciens disoient Hobain, & Hobaine, ou droit de Hobaine, qui viennent du Verbe Hober, signifiant desplacer d’vn lieu pour se transporter en vn autre. Et l’escrit on Aubeine.