Thresor de la langue françoise/Aiguille
(2, p. 23).
Aiguille, f. penac. Vient de Acus Latin, par la mesme raison qu’est notée en Aiguiere, & signifie cest instrument de fer ou d’acier, duquel on se sert à coudre, auquel le Francois trocque la consonante c, qui est tenuë, en sa moyenne, qui est g.
Aiguillon, m. acut. Vient de Aculeus Latin, & se prend ores pour cette pointe de fer fichée au bout d’vne gaule, dont vsent les picquebœufs : & ores pour le picquon des mousches guespes, Et par translation, pour tout motif violent, qui nous incite auec aigreur à quelque chose.