« Ab joi mou lo vers e.l comens » : différence entre les versions

Contenu supprimé Contenu ajouté
m Révocation des modifications de Le ciel est par dessus le toit (discussion) vers la dernière version de Hsarrazin
Balise : Révocation
Aucun résumé des modifications
Ligne 1 :
<pages index="Ventadour - Bernart von Ventadorn, Seine Lieder, mit Einleitung und Glossar herausgegeben von Carl Appel, 1915.djvu" from="165" to="168" header=1 />
 
{{TitrePoeme2||[[Auteur:Bernard de Ventadour|Bernard de Ventadour]]|{{PAGENAME}}}}
[[Catégorie:Poèmes de Bernard de Ventadour]]
Ligne 5 ⟶ 7 :
 
 
<poem>
Ab joi mou lo vers el comens
Et ab joi reman e fenis !
E sol que bona fos la fis,
Bos tenh qu’er lo comensamens.
Per la bona comensansa
Me ve jois et alegransa !
E per so dei la bona fi grazir,
Car totz bos faihz vei lauzar al fenir.
 
Si m’apodera jois e.m vens :
Meravilh’ es com o sofris
Car no dic e non esbruis
Per cui sui tan gais e jauzens !
Mas greu veiretz fin’ amansa
Ses paor e ses doptansa,
C’ades tem om vas so c’ama, falhir,
no.m par bos essenhamens,
Ans es foli’ et efansa
Qui d’amor a benanansa
Ni.n vol so cor ad autre descobrir,
Si no l’en pot o valer o servir.
 
Non es enois ni falhimens
Ni vilania, so m’es vis,
Mas d’ome can se fai devis
D’autrui amor ni conoissens.
Enoyos e que.us enansa,
Si.m faitz enoi ni pesansa
Chascus se vol de so mestier formir !
Me cofondetz, e vos no.n vei jauzir.
 
Ben estai a domn’ ardimens
Entr’ avols gens e mals vezis !
E s’arditz cors no l’afortis,
Greu pot esser pros ni valens !
Per qu’eu prec, n’aya membransa
La bel’en cui ai fiansa,
Que no.s chamje per paraulas ni.s vir,
Qu’enemics c’ai, fatz d’enveya morir .
 
Anc sa bela bocha rizens
Non cuidei, baizan me trais,
Car ab un doutz baizar m’aucis,
Si ab autre no m’es guirens !
C’atretal m’es per semblansa
Com de Pelaus la lansa,
Que del seu colp no podi’ om garir,
Si autra vetz no s’en fezes ferir .
 
Bela domna, .l vostre cors gens
E.lh vostre belh olh m’an conquis,
E.l doutz esgartz e lo clars vis,
E.l vostre bels essenhamens,
Que, can be m’en pren esmansa,
De beutat no.us trob egansa :
La genser etz c’om posch’ el mon chauzir,
O no i vei clar dels olhs ab que.us remir.
 
Bels Vezers, senes doptansa
Sai que vostre pretz enansa,
Que tantz sabetz de plazers far e dir :
De vos amar no.s pot nuls om sofrir .
 
Ben dei aver alegransa,
Qu’en tal domn’ ai m’esperansa,
Que, qui.n ditz mal, no pot plus lag mentir,
E qui.n ditz be, no pot plus bel ver dir.
 
</poem>
<br />
</div>
[[Catégorie:Œuvres de troubadours]]