Page:Rousseau - Collection complète des œuvres t7.djvu/246

C. CORNLII TACITI HISTORIARUM

LIBER I.

Initium mihi operis Serv. Galba iterum, T. Vinius consules erunt. Nam post conditam urbem DCC. & X X. prioris ævi annos multi auctores retulerunt ; dum res populi Romani memorabantur, pari eloquentiâ ac libertate. Postquam bellatum apud Actium, atque omnem potestatem ad unum conferri pacis intersuit ; magna illa ingenia cessere. Simul veritas pluribus modis infracta ; primùm incititiâ Reipublicæ ut alienæ, mox libidine assentandi, aut rursus odio adversus dominantes. Ita neutris cura posteritatis, inter infensos vel obnoxios. Sed ambitionem scriptoris facilè adverseris : obtrectatio & livor pronis auribus accipiuntur ; quippe adulationi fœdum crimen servitutis, malignitati falsa species libertatis inest. Mihi Galba, Otho, Vitellius, nec beneficio nec injuriâ cogniti. Dignitatem nostram à Vespasiano inchoatarn, à T ito auctam, à Domitiano longiùs provectam non abnuerim ; sed incorruptam fidem professis, nec amore quisquam, & fine odio dicendus est. Quod si vita suppeditet ; principatum divi Nervæ, & imperium Trajani, uberiorem securioremque materiam fenectuti seposui : rarâ temporum felicitate, ubi sentire quæ velis, & quæ sentias dicere licet.