Page:Le roman de Fauvel, par Gervais du Bus, publié d'après tous les manuscrits connus par Arthur Långfors.djvu/127

7

PREMIER LIVRE

Or convient savoir la maniere,
92 Les contenances et la chiere
Qui sont a torchier cel Fauvel.
L’en ne cognoist nonnain au vel ;
Pour ce est bon que l’en le sache,
96 Quer maint torchent qui n’i font trache.
Premier commencherei au pape ;
Ce n’est pas drois que il m’eschape,
Mès je fais protestacion
100 Que ce n’est pas m’entencion
D’aleir contre l’ennour de Romme,
A qui doit obeïr tout homme ;
Mès de Fauvel diroi le voir,
104 Si com je le puis conchevoir.
Le pape se siet en son siege,
Jadis de pierre, or est de liege ;
Fauvel resgarde en sa presence,
108 A qui l’en fet grant reverence
De lui torchier et soir et main.
Le pape si li tent la main,
Paf le frain doucement le prent,
112 De torchier nuli ne reprent,
Et puis frote a Fauvel la teste
En disant : « Ci a bele beste ».
Li cardineaus dient pour plere :
116 « Vous dites voir, sire saint Pere, »
Lors a Fauvel tous les mains metent
Et de li torchier s’entremetent ;

93 Les autres mss. sauf A ont ce — 95 A boen (avec e exponctué) ; C P. ce est il b. q. l’en le s., E P. c’est il b. q. l’en les s., FJ P. ce est il b. q. l’en s. — 96 B Car mal t. ; BC qui y f. tache F qui n’y f. taiche ; A ne f. — 98 La leçon adoptée est dans A seul. BCFJ Ce n’est pas raison qu’il e., E N’est pas raison que il e. — 106 E ore de — 109 A t. s. et a m. ; y Que l’en torche au s. et au m. — 110 A Et (ajouté en interligne) le p. li t. — 117 E tost les.