« Page:Anonyme - L’entrée d’Espagne, tome 2.djvu/82 » : différence entre les versions

{{NumVers|10035}}Lor bondist l’olifanz, reforcier fist l’asaut. <ref follow="CCCCXXXV"><includeonly>— </includeonly>10036 a miens — 10038 descendent — 10039 ma un seul r. — 10041 sor son b. — 10042 quo p. ne l. fant — 10043 la p. nen cuit ; ''comment corriger'' ? </ref>

Quant la flanbe dou feu vient a meins e le caut,

Estous sist el varon qe fu noriz el gaut,

Qe plus cort de randons ne descent faucons d’aut ;

Ses chevaler montent, n’i a un seul rebaut,

{{NumVers|10040}}Plus desirent bataile, se Damediex me saut,

Ne feit baçalier dame basier soz son blïaut.

Or saçent cels de Noble que paine ne lor faut ;

{{NumVers|10045}}Brocerent vers la place les barons de bon aire.

Hai ! com est asotie gient qi vers teil contraire

Hestous fiert Promodés, q’estoit jendre Gillaire,

E cil refiert bien lui, qe nel redote gaire ;

{{NumVers|10050}}Les eschuz trencherent come fust cordevaire.

Forz furent les hobers, de cels m’aconvient taire ;

Andeus s’entrabatirent lez un peron de quaire.

Hestous se leve et treit le bon brant qe resclaire

Et Promedés le suen, qe fu feit en Samaire.

{{NumVers|10055}}Grant cous se donerent, l’estoire les nos naire.

Promodés veit ferir tres par mi le sudaire

(Ne garde por Hestous qe l’en deüst desplaire) ;

La boce e le mentons et le nés e la naire

{{NumVers|10060}}Li a tote trencee come se fust une haire ;

Mort l’abati a tere, ainc n’oit laiser de braire.