Page:Viard - Grandes chroniques de France - Tome 6.djvu/52

tel lieus où li Tur lor pooient plus legierement faire mal, car li pas^[1] estoient si fort et si perilex que il estoient là ausi comme enclos et enserré^[2].

V.

Comment les conduiseurs l’emperere, quant il l’orent mené es desers, s’enfuirent par nuit, et lors s’aperçut l’empereour qu’il l’avoient traÿ^[3].

^[4]Bien s’aperçut l’empereres que cil qui guier les devoient ne le faisoient mie en bone foi, car li nombres des jors estoit ja trespassez dedenz que il devoient avoir mené en terre plantaive^[5], et il n’i estoient pas venu. Por ce, les fit venir devant soi et lor demanda, voiant ses barons, por que ce estoit que il li avoient menti dou terme que il avoient nomé. Il repondirent par malice que il avoient cuidié que li oz peut plus tost errer et faire gregnors jornées que il ne faisoit. Mais moult li jurerent que sanz faile dedenz III jors seroit à la cité dou Coine qui estoit si plantaive que riens ne lor i faudroit que il vosisent avoir. Li empereres qui estoit simples hons et n’aperçut par de lor daloiauté, ançois les crut encores et dit que il atendroient ces III jours por savoir se il disoient voir. La nuit, entor le prinsome^[6], quant cele bone genz se dormoient por la

1. Li pas, les passages.
2. « C’est assavoir ès grans et parfondes valées d’entre les montaignes qui moult haultes estoient senz mesure » (royal ms. 16 G VI, fol. 313 v^o, en note).
3. Bibl. nat., ms. fr. 2813, fol. 213 v^o.
4. Guillaume de Tyr, liv. XVI, chap. XXI.
5. Plantaive, fertile.
6. Le prinsome, le premier sommeil.