Page:Viard - Grandes chroniques de France - Tome 6.djvu/47

non Baiviere et passerent la Dinoe^[1] qui est moult granz iau et coranz ; à senestre la laisierent, puis decendirent en Ostreriche. D’iluec entrerent en Hongrie. Li rois de la terre les reçut moult bel ; granz honors lor fit et mainz biaus presenz lor envoia. Après, s’en alerent outre et passerent parmi Pannonie, où messires sains Martins fu nez. Si entrerent en Bulgrie, Rippe^[2] laissierent à senestre. Tant alerent que il passerent parmi II terres, de quoi chascune a non Trace. II citez moult renommées trepaserent ; l’une si a non Finepole^[3], et l’autre Endrenople^[4].

Après mainz travauz et maintes jornées que il orent faites par estranges terres vindrent à la riche cité de Costantinnoble. Là sejornerent ne sai quanz jors, come cil qui estoient las et se garnirent des choses qui lor faloient. A l’emperaor Manuel^[5] parlerent de maintes choses asez privehement. Après ce jor, paserent le bras Saint Jorge^[6] qui devise les II parties dou monde, Europe et Aise. Lors entrerent en Bithinie, qui est la premiere terre de la partie d’Aise. Totes les compagnies ensemble se logierent devant la cité de Calci-

1. La Dinoe, le Danube.
2. Guillaume de Tyr désigne ainsi la Dacia riparia ou ripensis, région de la Dacie comprise entre les rives de la Theiss et du Danube ; elle forme aujourd’hui une partie de la Hongrie. Dans le texte latin de Guillaume de Tyr (Recueil des historiens des Croisades. Historiens occidentaux, t. I, 2^e  partie, p. 737) on distingue la Dacia mediterranea et la Dacia ripensis.
3. Finepole, auj. Philippopoli (Bulgarie).
4. Endrenople, Andrinople.
5. Manuel Comnène, fils de Jean Comnène, empereur d’Orient de 1143 au 24 septembre 1180, date de sa mort.
6. Le bras Saint Jorge, auj. le Bosphore.