Page:Viard - Grandes chroniques de France - Tome 4.djvu/235

que il ot fait à l’empererriz Engeberge fu touz contraires à celui que il avoit devant fait au roi Kalle son frere et aus barons du roiaume. Après, manda l’empererriz au roi Kalle que il venist parler à lui à Saint Morise de Chablies, si comme ele li avoit devant mandé. Là ne vot pas aler quant il sot la besoigne et les convenances qui avoient esté entre li et le roi Loois son frere ; mais il i envoia message qui riens n’i firent, ne nule certaineté ne li raporterent.

Incidence. — En ce tens, avint que li apostoiles Adriens envoia messages en Costantinoble à l’empereor Basile^[1] et à ses ii fiuz Leon^[2] et Constantin^[3], pour la besoigne que li apostoiles Nicholas^[4], ses devanciers, avoit devant ce proposé et ordené. Cil messages furent Estienes, evesques de Nephese^[5], Donéez, evesques d’Oiste^[6], et Marins, dyacres de l’eglise de Rome ; et si fu ovec iaus Anasthaises^[7], qui garde estoit des almaires et des escrins du palais ; si estoit hons sages et emparlez et en grec et en latin. Là fu granz conciles assemblez et fu apelez li VIII^mes conciles generaus^[8] ; là fu acordez li contanz et li cismes apaisiez qui devant ot

1. Basile le Macédonien, qui succéda en 867 à Michel III, dit l’Ivrogne.
2. Léon, fils de Basile et d’Ingérine, sa seconde femme, succéda en 886 à son père sous le titre de Léon VI.
3. Constantin était fils de Basile et de sa première femme, Marie.
4. Nicolas I^er, pape de 858 à 867.
5. Nephese, auj. Nepi, Italie, prov. de Rome, siège de l’évêché de Nepi et Sutri. Étienne occupa ce siège de 868 au mois d’août 896.
6. Donat, évêque d’Ostie depuis 868.
7. C’est Anastase le Bibliothécaire.
8. Concile de Constantinople, huitième concile œcuménique.