« Page:Abundance - La Guerre et le débat entre la langue, les membres et le ventre.djvu/33 » : différence entre les versions

@@ État de la page (Qualité des pages) / État de la page (Qualité des pages) @@
-Page non corrigée
+Page corrigée
@@ Contenu (par transclusion) : / Contenu (par transclusion) : @@
@@ Ligne 1 : / Ligne 1 : @@
+<poem>Le gouſt appete la viande nouuelle.
+¶Au tiers iour furẽt les mẽbres en tel poit
+Pour la famine qui picque/mord & poingt
+Que de faict furent tellement amaigris
+Et ſi deffaitz que pres ilz ſont du point
+Pour expirer : car vertu ny eſt point
+Par quoy ſont plus laſches & achagris
+Il ne leur chault ne de vert ne de gris
+A grant peine ſe peuuent ſoubſtenir
+Pour leur ſerment touſiours entretenir
+¶Dedẽs ce corps ſont toꝰ encõbremens
+Toutes douleurs/pleurs & gemiſſemẽs
+Afflictions grieſue ſoiſ & famine
+Les mẽbres ſont en merueilleux tourm̃ s
+Considerez ie vous prie ſe ie mens
+Et vous direz que pas ne le deuine
+A brief parler force eſt que en brief termine
+Ilz ſoiẽt tous mors ſilz nõt aucũ ſecours
+Car la famĩe leur fera leurs iours cours
+¶Tout eſt malade chaſcũ ſe descõforte
+Le ventre bruit a qui rien on napporte
+Chaſcun ſe deult ce neſt pas de merueille
+Gemiſſemens y ſont de belle ſorte
+Auec douleur qua pres aue tout nauorte
+Ceſt grant pitye et choſe nompareille
+Le corps ſen va par fain qui le trauaille
+En luy na plus puiſſance ne vigueur
+Onc on ne vit faire telle rigueur</poem>