« Page:Abundance - La Guerre et le débat entre la langue, les membres et le ventre.djvu/27 » : différence entre les versions

(Aucune différence)

Version du 4 mars 2021 à 13:56

Le texte de cette page a été corrigé et est conforme au fac-similé.

Pour la prebende a ce poucif rẽdre
Soit dur ſoit tendre ſans nul proffit p̃tẽdre
Tendre conuient touſiours a le remplir
Ie ne puis plus ſon vouloir accomplir
¶Ceſt caribdis gouffre diniquite
De vilite combme dauſterite
Vng creux puant ou nya ſons ne riue
Ou vng ſirtes plain de captiuite
Dumidite & de turgidite
Bieneuruex eſt qui en ce trou narriue
Rien ne nous ſert & contre nous eſtrue
Avoir luy fault toute felicite
Et demourons en grand mandicite
¶Par luy ne vient certes que detriment
Grief encombrier auec empeſchement
Nya membre qui par luy ne define
Puys la vertu qui peu a peu ſz affine
Tant quelle dechet & na plus de puiſſance
O que de mal il nous faict en ſubſtance
¶Et pour ce frere il nous fault aduiſer
Par quel moyen ſera ſuppedite
Ce gouffre infect qui nous vient atiſer
Deſtruire tous : rompre : caſſer : briſer
Comme ſes ſerfs plains de captiuite