Page:Viard - Grandes chroniques de France - Tome 4.djvu/230

tor gastez et destruiz. Pour ce siege, tant fist li rois et par sens et par engin que il mut dessension entre ceus qui la cité gardoient, si que une grant partie se tint à lui. Mais quant Berte aperçut ceste chose, ele manda Girart son segneur. Puis que il fu venuz, il ne vout pas la cité tenir contre le roi, ainz la rendi maintenant, et li rois entra enz liez et joianz^[1] et celebra en la vile la Nativité Nostre Segneur.

^[2]Quant li rois out ensi la cité receue^[3], il contrainst Girart à ce que il li rendroit les autres chastiaus d’entor et les liverroit à ceus que li rois i voudroit envoier, et de ce li dona bons ostages, et li rois li dona III nés et li souffri que il s’en alast parmi le flum du Rone, il et Berthe sa fame, et leur gent et touz leur muebles^[4]. La cité livra li rois à garder à Boson^[5], le frere la roine sa fame. De là se parti pour retorner en France, par Aucerre et par Sanz retorna et s’en vint droit à l’eglise Saint Denise. Quant Kallemanne ses fiuz oï dire que il venoit, il s’en ala à Mouson^[6], il et toute sa route ; les

1. Charles le Chauve entra à Vienne le 24 décembre 870, « in qua idem rex vigilia nativitatis Domini intrans, nativitatem Domini celebravit » (Annales de Saint-Bertin, année 870).
2. Annales de Saint-Bertin, année 871.
3. Le royal ms. 16 G VI, fol. 223, ajoute en note : « L’an VIII^c LXXI^e. »
4. Girard et Berthe se retirèrent probablement à Avignon où ils durent mourir, Berthe le 6 novembre 874 et Girard le 5 mars 877 (Longnon, op. cit., p. 263 à 266).
5. Boson, beau-frère et favori de Charles le Chauve, qui devint alors comte de Vienne, fut, le 15 octobre 879, proclamé roi de Provence à l’assemblée de Mantaille et mourut le 11 janvier 887 (voir, sur ce personnage, R. Poupardin, le Royaume de Provence sous les Carolingiens, chap. II et III, p. 41 à 141).
6. Mouzon, Ardennes, arr. de Sedan, ch.-l. de cant.