Page:Romieu - Oeuvres poetiques.djvu/26

Ainsi distribua tous ses biens de fortune,
N^ayant puis pour couvrir sa nature commune.
amour non-ouy ! o sainte charité !
cueur doux et bénin qui ta nécessité
Oublies pour aider à tes membres semblables !
Fait vraiment qui sera mis entre les notables
Et de qui parleront tous les siècles suivans,
En despit de Venvie et de tous mesdisans.

Le mesme est advenu a maintes damoyselles
Qui sont ores au ciel pour jamais immortelles,
Et de qui nous n avons maintenant que le nom.
Le monde estant remply de leur loi et renom.

Ja desja j’oy crier quelqu’un à mes oreilles,
Qui me tance de quoy j’en dis tant de merveilles.
Et me dit : " Venez-çà ! ne sçavez-vous pas bien
Que nous ne faillons point que par vostre moyen ?
Sçavez-vous pas aussi que le mal qui nous presse
Vient de voir vostre face et vostre blonde tresse ?
Si Paris n’eut point veu d’Heleine les beaux yeux,
Troie n’auroit-ell' pas ses preux victorieux.^
Encor tant de citez esleveroient leurs testes
Jusqu’au ciel, qui sont or l’habitacle des bestes.
Abandonnez-vous pas pour un rien vostre corps.
Qui est cause en après de tant de mille morts ?
Ha ! qui voudroit de vous un gros volume escrire,