« Page:Romieu - Oeuvres poetiques.djvu/24 » : différence entre les versions
(Aucune différence)
|
Version du 5 mai 2020 à 08:13
20 BRIEF DISCOURS
Argus n’y volrra rien entre tant de vertus Desquelles ces feuillets seront en brief vestus : Car de vouloir parfaire un si hautain ouvrage, Mon bas stile perdroiî sa force et le courage. Qu’on ne me vante plus des hommes les combats ; Qu’on ne me chante plus la force de leur bras : Hé ! quel homme osera, fut-il grand capitaine, Parier sa vertu à la Camillienne, Camille, qui jadis fut pleine de valleur, En prouesse et conseil du monde seul honneur ?
Pentasilée quoy, ce foudre de la guerre, De laquelle le nom demeure encor en terre Et vivra pour jamais ? Et quoy Semiramis, En qui Pallas avoit sa plus grand’ force mist ? Tant que les vens seront, jamais leur renommée Glorieuse n’ira au gré de la fumée, Valasque et Zenobie, en temps de nos ayeux, Se sont acquis un nom tousjours victorieux ; Mais le siècle antien n’en a point tant de milles Que le nostre n’en ait encor d’aussi habilles.
Allons donc plus avant, venons à la douceur Et sainte humanité dont est rempli leur cueur. S’est-il trouvé quelqu’un qui eut l’ame saisie De semblable bonté, faveur et courtoisie ? Le ciel voûté n’a point tant de luisans brandons