mis et permet audit procureur general du roy faire informer plus amplement contre luy des cas mentionnez audit procez, circonstances et dependances ; fait ladite Cour inhibitions et defenses à toutes personnes, de quelque qualité et condition qu’ils soient, d’avoir et retenir par devers eux aucuns exemplaires dudit livre intitulé Le Parnasse satyrique, n’autres œuvres dudit Theophile, ains leur enjoint les apporter et mettre dans vingt-quatre heures au greffe criminel d’icelle, pour estre pareillement bruslez et reduits en cendres, sur peine, contre les contrevenans et qui s’en trouveront saisis, d’estre declarez fauteurs et adherans dudit crime et punis comme les accusez. Outre, ordonne que les libraires nommez Estoc, Sommaville, Billaine et Quesnel, qui ont imprimé les œuvres dudit Theophile, seront pris au corps et amenez prisonniers ès prisons de la Conciergerie du Palais pour estre ouys et interrogez sur aucuns faicts resultans dudit procez, et, où ils ne pourront estre apprehendez, seront adjournez à trois brefs jours à son de trompe et cry public à comparoir en icelle, leurs biens saisis et commissaires y establis jusques à ce qu’ils ayent obey.
Prononcé et exécuté le 19 aoust 1623.
II.
La prise de Theophile par un prevost des mareschaux dans la citadelle du Castellet, en Picardie.
Amene prisonnier en la Conciergerie du Palais le jeudy 28 de ce mois (septembre).
À Paris, chez Antoine Vitray, au college Sainct-Michel, 1623 (14 p. in-12).
La prise de Theophile, retenu en la ville de Sainct-Quentin.
Le mois d’aoust dernier, les chambres du Parlement assemblées, on proceda au jugement du procez de Theophile, accusé d’avoir fait quantité de vers impies contre l’honneur de Dieu, l’honnesteté civile et toutes les
