et garde de l’enfant les hommages des barons de Navarre. Messire Huistace se hasta moult de faire sa volenté ; si vint au plus tost qu’il pot en la contrée de Navarre et monstra le commandement au roy de France aus barons et aus bourgois du pays, et s’arresta premierement en la cité de Pampelune et fist ilec sa garnison des François et de sa gent, et s’en ala par chastiaux et par les citez en faisant le profit et l’onneur du roy au miex qu’il pot et qu’il sot en recevant les homages et les seremens des barons du pays.
Prelas et barons du royaume de France et d’Alemaigne s’assamblerent et vindrent à Paris et plusseurs autres nascions pour ce que la royne Marie devoit estre coronnée. Si fu l’assamblée moult grant et moult belle de haux princes et de grans barons. L’arcevesque de Reins[2] chanta la grant messe. Après ce qu’il ot chantée et celebrée, il mist la coronne sus le chief la royne Marie et la sacra et benei selon ce que il ont acoustumé en France ; et fu droitement le jour de la feste saint Jehan Baptiste, l’an de grâce M CC LXXV[3]. La
- ↑ Guillaume de Nangis, Gesta Philippi regis Franciæ, dans Rec. des Hist. des Gaules et de la France, t. XX, p. 496-497. Primat, dans sa Chronique (Ibid., t. XXIII, p. 91), signale seulement ce couronnement qu’il place au 15 août 1275 au lieu du 24 juin. Dans la traduction, certaines parties de ce chapitre sont amplifiées.
- ↑ L’archevêque de Reims était Pierre Barbette (janvier 1274-3 octobre 1298).
- ↑ 24 juin 1275.
