manda secours et aide aus autres Sarrazins. Si assambla roys et amiraux et autres princes qui li vindrent en secours. Quant il ot ainsi assamblé tant de Sarrazins comme il pot avoir, si se conseilla comment il pourroit les François destruire ou chacier hors de son pays. Si li fu conseillié qu’il alast sus eulz à bataille rengiée ; si les espoenteroit si qu’il s’enguiroient tantost ne n’oseroient demourer quant il verroient sa puissance. Si se leverent bien matin et s’armerent de toutes armes selon leur usage et leur guise, et amenerent avec eus tout leur pooir et toute leur force à pié et à cheval à bataille rengiée. Quant il aprochierent, il commencierent à glatir et à usler à haute voiz et à menacier François en leurs langages, et sonner trompes et buisines et autres divers instruments, et s’eslargirent parmi le champ pour ce que les François cuidassent qu’il fussent sanz nombre et si grant foison qu’il ne peussent à eulz durer ; et faisoient trop malement grant samblant qu’il vousissent bataille. Quant ceulz qui garderent l’ost virent celle gent venir, si commencierent à crier parmi l’ost : « Aus armes, pour la force de Tunes qui vient sur nous. » Tantost coururent François aus armes et les autres nascions qui avec eulz estoient, et vestirent leurs haubers, et lacierent leurs ventailles, et monterent es chevaux les lances es poings et les escus au col, et pristrent leurs enseignes de diverses coleurs. Le roy de France s’arma, le roy de Cezile, le roy de Navarre, et les dux et les contes et
Rec. des Hist. des Gaules et de la France, t. XX, p. 472-475. Cf. Chronique de Primat, ibid., t. XXIIII, p. 77-79. Les Grandes Chroniques n’ont pas traduit littéralement ce chapitre et l’ont souvent abrégé.
