La maniere des Sarrazins est telle qu’il ne font fors que les gens esmouvoir en lançant et en getant javeloz. Quant il voient que les gens sont touz près de combatre, si tournent en fuie.
Un jour avint que les Sarrazins aprochierent bien près des crestiens et leur lancierent souvent et menu dars et javeloz, et en navrerent aucuns. Pour ceste chose s’esmurent aucuns nobles chevaliers, si comme Gui de Bausoy et Hue son frere[1], et aucuns bons combateurs, et se ferirent es Sarrazins, et Sarrazins saillirent d’un aguet où il estoient muciez ; si enclostrent Hue de Bausoy et sa gent. Là fu le chaple grant d’une part et d’autre, et fu pris Gui de Bausoy et Hue son frere[2] ; mais il firent avant grant occision de Sarrazins et grant mortalité ; si ne porent estre rescous[3]. Car quant la noise fu commenciée et ceulz de l’ost le sorent, si coururent aus armes pour eulz aidier et issirent hors et passerent les fossés qui estoient entre eulz et les Sarrazins. Soudainement un vent se leva fort et horrible avec grans estorbeillons qui le sablon et la poudre leva contremont en l’ar et feri les François
- ↑ Primat donne le nom d’un troisième chevalier, Renaud de Precigny, l’un des chevaliers de l’hôtel de saint Louis (cf. Rec. des Hist. des Gaules et de la France, t. XX, p. 307).
- ↑ Hugues et Gui de Baucey furent tués au combat du 4 septembre 1270 (cf. infra, chap. iii) que Guillaume de Nangis confondit sans doute avec un autre combat (Lenain de Tillemont, Vie de saint Louis, t. VI, p. 301).
- ↑ Les Grandes Chroniques ont omis ici une phrase de G. de Nangis : « Retulerunt enim quidam Sarraceni, pace composita, quibus ex nostris ab eis querentibus si tales vidissent ; responderunt quod occisi fuerant et multos prostraverant antequam interissent ; et unus eorum maxime, qui duobus cruribus abscisis plures occiderat antequam interiret. »
