L’an de grâce ensivant M CCC et XV, après les articles proposés contre Engorran, comme on traitast par une voie moienne contre le dit Engorran, renommée courut que à l’instance de la femme Engorran[1], estoient faites ymages de cire pour envoulter le roy et messire Charles et autres barons, et estoient yceulz voulz de cire, en telle maniere faiz et ouvrez que se longuement eussent duré, les devant diz roy et conte chascun jour n’uessent fait que admenuisier, defrire[2] et sechier, et en brief les eussent fait de male mort mourir. Lors, par la volenté de Dieu et par son jugement, et par aventure occulte, fu sceue et aperceue d’aucuns et tantost fu noncié à Charles de Valois. La-
- ↑ Alips de Mons, troisième femme d’Enguerrand de Marigny, qui pour ce fait fut emprisonnée en même temps qu’Alips de Chanteloup. Alips de Mons ne fut délivrée que le 28 janvier 1325 (P. Anselme, t. VI, p. 313). Voir dans les Journaux du Trésor de Charles IV le Bel, nos 190, 191, 519, 520, 1978, 1979, etc., les sommes qui leur furent payées, tant pendant qu’après leur détention.
- ↑ Defrire, diminuer.
nissent parler à lui. Adonc, yceulz ensemble venuz, si orent conseil ensemble, et traitierent la mort des devant dit contes. Et après, sa fame, la dame de Marigny, retournée aveuc sa suer la dame de Chantelou en sa meson, tantost yces ii dames manderent et firent venir à eulz une maudite et mauvaise boisteuse qui fesoit l’or, et i mauvais garçon qui avoit non Paviot, qui de telz sors se savoit entremettre, et leur promistrent moult de peccunes se il feissent aucuns voulz, par lesquiex voulz les devant diz contes peussent occirre. Laquelle chose otroiée de yceulz, si firent les voulz et par art magyque et de dyable, leur mistrent nons, et si comme il fu dit, les baptizierent faussement. Adonques yces voulz fez, en telle maniere ouvrez, lesquiex, se longuement eussent duré, les devant dit contes, chascun jour eussent fait amenuisier, etc.
