ymages partout où il les trouvoit ; lequel fu jugié à estre ars ; et fu ars le jour que Marguerite la Porete devant dicte fu arse.
[1]Et en ce meismes an, ceulz de Lyons se rebellerent contre le roy de France et s’en alerent à i chastel qui est appellé Saint Just et le destruirent. Quant le roy le sot, il y envoia son filz Loys Hutin et ses ii freres avec li et moult grant ost, et fu environ la feste monseigneur saint Jehan Baptiste[2]. Quant il vindrent là où les anemis estoient, si les commencierent à grever le plus qu’il porent. Et là se porta le dit filz du roy premier né Loys Hutin moult noblement, et par telle maniere qu’il estoit amé de touz ceulz de l’ost. Quant les anemis virent que les noz se portoient si noblement et si hardiement, si se rendirent et la cité à la seigneurie du roy de France. Adonc fu pris l’arcevesque de la cité[3], lequel estoit leur principal capitaine, qui avoit à non Pierre de Savoie, et fu pris du conte de Savoie, lequel l’amena au roy de France. Mais à la requeste de pluseurs, il ot en la fin sa pais et retourna en son arceveschié[4].
Et en ce temps, les os d’un Templier qui ja pieça estoit mort, lequel avoit non Jehan de Tur[5], furent
- ↑ Continuation de G. de Nangis, Ibid., p. 380-382, et Rec. des Hist., ibid., p. 601-602.
- ↑ 24 juin 1310.
- ↑ Pierre de Savoie, archevêque de Lyon du 7 août 1308 à sa mort (novembre 1332), assiégé dans son château de Pierre-Scise, se rendit vers le 22 juillet (P. Bonnassieux, op. cit., p. 117).
- ↑ Philippe le Bel garda prisonnier l’archevêque de Lyon jusqu’au concile de Vienne (Ibid., p. 118).
- ↑ Géraud de Frachet (Rec. des Hist., t. XXI, p. 35), qui le nomme Johannes de Turo, dit qu’il fut trésorier du Temple ;
