Page:Viard - Grandes chroniques de France - Tome 8.djvu/306

Le texte de cette page a été corrigé et est conforme au fac-similé.

dampnez et pris, et encontre eulz aprouvez, si comme l’en dist, et d’aucuns en prison recogneu de eulz, ensuient ci après.

Le premier article. Le premier article est tel du forfait ; car en Dieu ne creoient pas fermement. Et quant il faisoient i nouvel Templier, si n’estoit il de nulli sceu comment il le sacroient ; mais bien esoit veu que il li donnoient les draps.

Le secont article. Le secont article ; car quant ycelui nouvel Templier avoit vestus les draps de l’ordre, tantost estoit menez en une chambre oscure. Adecertes le nouvel Templier renioit Dieu par sa male aventure, et aloit et passoit par dessus la crois, et en sa douce figure crachoit.

Le tiers article. Le tiers est tel. Après ce il aloient tantost aouer une fausse ydole. Adecertes ycelle ydole estoit une viel pel[1] d’omme embasmée et de cole polie ; et certes ylec le Templier mettoit sa très ville foy et creance, et en li très fermement croioit. Et en ycelle avoit es fosses des iex escharboucles reluisans aussi comme la clarté du ciel. Et pour voir, toute leur foy estoit en ycelle s’affioit et meismement de bon cuer. Et en celle pel avoit moitié barbe ou visage et l’autre moitié ou cul, dont c’estoit contraire chose. Et pour certain ylec couvenoit le nouvel Templier faire hommage aussi comme à Dieu. Et tout ce estoit pour despit de Nostre Seigneur Jhesu Crist nostre sauveur.

    cher ces accusations portées contre les Templiers des articles sur lesquels le pape ordonna de faire une enquête. Voir Dupuy, Traittez concernant l’histoire de France ; scavoir la condamnation des Templiers… Paris, 1654, p. 134 à 142.

  1. Pel, peau.