messages devant pour faire son arroy à Milan. Quant ceulz de Melan sorent sa venue, si issirent touz à pié et à cheval contre li, et a grant joie le menerent à la souveraine eglise, et le coronnerent à roy de Lombardie, et l’appellerent Auguste[1]. Puis après se departi de Melan atout son ost et ala assegier la cité de Cremoigne[2], et tant y fist que elle li fu rendue. Après ala assegier la cité de Bresse[3], qui moult estoit fort, et ylec sist une grant piece de temps et y fist-on maint grant assaut. Et à ce siege vindrent à lui ceulz de Pise atout leur pooir en son aide, et en la parfin, ceulz de Bresse firent traitier à lui. Et à ce traitié mourut le conte Gui de Namur[4] qui estoit son mareschal, pour quoy l’emperere fu si destorbé qu’il ne les voult onques recevoir à merci. Quant ceulz de la ville virent que autrement ne pooit estre, si se rendirent tout à sa volenté et li aporterent les clefs de la ville. Mais onques l’emperere ne voult entrer par porte en la cité, ne teurdre[5] son chemin pour aler à son palais, ains fist emplir le fossé qui devant son tref estoit et despecier le mur à l’en-
- ↑ Henri VII fit son entrée à Milan le mercredi 23 décembre 1310 et y fut couronné le 6 janvier 1311 (Johannis de Cermenate, Historia, dans Muratori, Rerum Italicarum scriptores, t. IX, col. 1236).
- ↑ Cremoigne, Crémone.
- ↑ Bresse, Brescia. Sur les sièges de Crémone et de Brescia, voir dans Muratori, t. IX, col. 1255 à 1260, et Ferreti Vicentini, Historia, col. 1067 à 1082.
- ↑ Gui de Flandre, fils de Gui de Dampierre et de sa seconde femme, Isabelle de Luxembourg (P. Anselme, Hist. généal., t. II, p. 732-733 ; sur sa mort, cf. Muratori, t. IX, col. 905, 1087 et 1261).
- ↑ Teurdre ; ms. fr. 17270 de la Bibl. nat., tordre, se détourner de.