[1]Et en ce meismes an, le roy Phelippe voult muer sa monnoie qui longuement avoit esté foible, par l’espace de xi ans, en fort : et valoit le petit flourin xxxvi sols de la foible monnoie. Si fist crier par tout son royaume environ la Nativité saint Jehan Baptiste[2], que toutes receptes de revenues et tous paiemens de contraux depuis la Nativité Nostre Dame ensivant, se feissent à forte monnoie, selon ce que elle couroit ou temps de monseigneur saint Loys, pour laquelle chose, pluseurs du peuple furent moult forment troublez.
[3]Et en ce meismes an, ou temps d’yver, il ot si grant habondance d’yaues es fleuves, que avant qu’il peussent descroistre, ils furent si forment gelées, car quant ce vint au desgeler tant maisons, pons, comme moulins desbuschierent et despecierent. Et adonques au port de Greve à Paris, moult de nef chargiées de diverses marcheandises perirent et tout ce qui dedens estoit.
[4]Et en ce meismes an, le pape Climent, ou moys de mars ou environ, s’en ala à Poitiers et les cardinalz avec lui, et là fu la court par l’espace de xvi moys ou environ[5].
- ↑ Continuation de G. de Nangis, p. 354, et Rec. des Hist., t. XX, p. 593.
- ↑ Voir les ordonnances des 8 et 30 juin 1306 (Ord., t. I, p. 441 et 442).
- ↑ Continuation de G. de Nangis, p. 355, et Rec. des Hist., t. XX, p. 594. Voir aussi sur cette inondation : Jean de Saint-Victor (Ibid., t. XXI, p. 647).
- ↑ Continuation de G. de Nangis, p. 357-358, et Rec. des Hist., t. XX, p. 594-595.
- ↑ Clément V résida à Poitiers depuis le milieu du mois d’avril 1307, jusqu’au 19 août 1308. L. Levillain, À propos d’un texte inédit relatif au séjour du pape Clément V à Poitiers en 13074 dans le Moyen-âge. 1897.
