il ot repris son pooir et rassamblée sa gent les Sarrazins, les crestiens et les Hermines[1] du royaume de Jherusalem et de Syrie enchaça par force, et la terre sousmist en sa seignourie[2].
[3]En ycelui an meismes, le jour d’un vendredi aouré, les Juis de la province de Madaburges si firent tant par dons et par promesses par devers une nourrice, que elle leur livra i petit enfant de l’aage de ii ans et demi ou environ à faire leur volenté ; et estoit ledit enfant filz d’un chevalier puissant homme. Quant les Juis orent le petit enfant receu de ladicte nourrice pour en faire leur volenté, si le crucifierent et le firent mourir. Quant le pere sot la mort de son enfant, si fu moult corroucié et fist semondre touz ses amis pour vengier la mort de son filz. Dont il avint que le dit chevalier sot que les Juis estoient assamblés ; si s’en ala par nuit où il estoient a toute sa compaignie, et fist garder que nul n’en eschapast de touz ceulz qui estoient assemblés, et tantost fist mettre le feu en toutes les maisons là où il estoient assamblez, et ilec furent ars ccc Juis ou environ, et aucuns crestiens avec eulz, lesquiex il tenoient prisoniers en leurs maisons pour debtes. Si avint que le prince de celle region sot que l’en avoit ainsi ars les Juis et aucuns crestiens ; si en fu corroucié et dampna ledit chevalier pere dudit enfant et touz ceulz
