delivra ceulz qui estoient assegiez ; car comme il s’appareillassent d’une part et d’autre pour bateillier, si vint i chevalier de par le roy d’Angleterre qui procura trives entre eulz ii jusques à ii ans.
[1]Et après, en ce meisme an, le soudan de Babiloine, quant il cognut et sot ce que les crestiens avoient fait vers Acre à ses serjans, si fu moult dolent et manda maintenant à ceulz d’Acre que s’il ne li rendoient ceulz qui avoient destruit et occis de sa gent, que dedenz l’an leur cité admeneroit à termine et à ruine, et trebucheroit autressi comme il avoit fait Triple ; laquelle chose il ne voudrent faire, et pour ce, il encoururent en l’ire et en courrouz merveilleusement du soudan.
Et en ycel an ensement, Loys[2], l’ainsné filz du roy Phelippe le roy de France, de Jehanne la royne sa femme, royne de Navarre, fu né en la quarte none d’Octembre.
Après, en l’an de grâce ensuivant M CC IIIIxx et X, au temps d’icelui roy de France, en l’an de son regne IIIIe, avint ce qui s’ensuit ci après. Quant le terme fu
- ↑ Cf. Girard de Frachet, dans Rec. des Hist. des Gaules et de la France, t. XXI, p. 9. Voir de Mas-Latrie, Histoire de l’île de Chypre, t. I, p. 486-487.
- ↑ Louis X le Hutin naquit le 4 octobre 1289.
- ↑ Guillaume de Nangis, Chronique latine, dans Rec. des Hist. des Gaules et de la France, t. XX, p. 573-574. Cf. éd. H. Géraud, t. I, p. 276-278. Cf. Chronique de Girard de Frachet, t. XXI, p. 9. Voir dans Martène et Durand, Veterum scriptorum… amplissima collectio, t. V, col. 757-784 ; Excidium urbis Acconis.
