Après, en l’an de grâce mil CC IIIIxx et IX, mil vc soudoiers en secours de la Terre Sainte, du pape furent envoiez en Acre, lesquielz tantost, contre la volenté de ceulz du Temple, armez avec belle compaignie de chevaliers, issirent d’Acre et rompirent les trives du soudan ottroiées, et puis coururent vers les manoirs et les chastiaux des Sarrazins ; et sanz misericorde, les Sarrazins, à chascun siège, et dux et autres qu’il trouverent, occistrent, qui se cuidoient reposer seurement et paisiblement sus les trives baillées entre eulz et les crestiens.
Et en ycel an, Charles prince de Salerne delivré de la prison au roy d’Arragon, vint à Romme, et ilec, le jour de Penthecoste[2] fu coronné en roy de Cezille du pape Nichole, et fu absoulz du serement qu’il avoit fait au roy des Arragonnois.
En ycel an aussi, l’occupeur de Sezille[3] avec grant ost entra en la terre de Calabre et assist la cité de Jayete[4], auquel le roy Charles courut hastivement et
- ↑ Guillaume de Nangis, Chronique latine, dans Rec. des Hist. des Gaules et de la France, t. XX, p. 572-573. Cf. éd. H. Géraud, t. I, p. 274-275. Cf. Girard de Frachet, dans Rec. des Hist. des Gaules et de la France, t. XXI, p. 9. Voir aussi Bernard Gui, Flores chronicorum, ibid., p. 709.
- ↑ 29 mai 1289.
- ↑ Jacques II, fils de Pierre III, roi d’Aragon.
- ↑ Jayete, auj. Gaëte, Italie (Campanie), ch.-l. d’un district de la prov. de Caserte.
