haute ligniée, que vous devez bien avoir homme de grant renon ». « Certes », dist-elle, « de grant renon le voeil-je avoir ; ne plus haut ne plus digne n’est de lui trouvé mon pere Jhesucrist qui sera mon pere et mon espous tant comme je vivrai. »
La bonne dame demoura une piece du temps en la garde son oncle. Si li fu avis qu’ele ne pooit pas bien faire ses aumosnes ne les povres visiter. D’iluec s’en parti et s’en ala à i chastel[1] plus parfont en Alemaigne ; si li plut iluec à demourer, ne n’avoit que l mars à despendre. Un jour avint qu’elle regarda i quarrefour où pluseurs chemins s’assembloient de divers païs et de lointaignes contrées, si que mout de povres genz et de souffreteus passoient ce chemin. Si fist faire une grant maison et large, sus iv pilers, là où elle commença à hebergier touz les povres trespassanz. Et cil qui estoient enfermes ou malades, elle les soustenoit tant qu’il feussent guériz et enforciez. Et selonc ce qu’il estoient de lointeignes terres, elle leur donnoit argent à faire leur despens tant qu’il feussent venus en leur contrée. Mout se prenoit bien garde des fames ençaintes qui n’avoient dont il se poissent aidier, car li meismes les servoit et leur trenchoit leur viandes et faisoit leur liz.
Quant le menu pueple le sot, si commencierent à venir de moult de parties, si que elle out mout à faire. Si prist en sa compaignie fames fortes et viguereuses qui li aidierent les povres à servir. Quant les povres estoient venus au vespre pour reposer, si regardoit ceus qui estoient povrement chauciez ; à ceus lavoit-elle leur piez et puis l’endemain au matin elle leur
- ↑ Marbourg, Prusse, ville de l’ancien État de Hesse-Cassel.
