fist par ses jornées qu’il entra en la terre de ses anemis et vint au pont de Chipre[1] où l’entrée est en terre de Labour et de Puille jusques à Saint Germain l’Aguillier[2]. Le chastiau de Saint Germain estoit de touz les autres du païs le plus fort et le miex garniz, et y avoit tant de gent d’armes et si grant plenté de vitaille que l’en ne cuidoit pas qu’il peust estre pris legierement. En ce chastel estoit grant partie de la gent Mainfroi, qui estoient Alemanz, Puillois et Sarrazins. Tant furent seurcuidiez[3], qu’il manderent à Mainfroi qu’il li rendroient Kallot de France mort ou pris prochainement et que ja ne seroit si hardiz qu’il les osast atendre. Mès le roy Karle ala tant avant que lui et son ost furent bien près du chastel. Si tendirent leur tentes et leur paveillons, et les garçons et les genz de pié alerent aus murs pour veoir comme le chastel estoit fort et deffensable. Les Sarrazins et les sodoiers les commencierent à moquier et à mesdire vilainement, et demanderent : « Où est Kallot, vostre chetif roy ? » Cil qui ne porent soffrir leur vilaines paroles, leur lancierent pierres, et commencierent à paleter d’une part et d’autre. Le cri commença et la noise de plus en plus, si que toute l’ost se commença à esmouvoir. Aucuns des barons de France qui avoient tenduz leur paveillons plus loing du chastel que li autre, oïrent la noise ; si s’armerent pour ce qu’il cuidierent estre seurpris et que cil de Saint Germain fussent issu hors. Tuit com-
Page:Viard - Grandes chroniques de France - Tome 7.djvu/275
Le texte de cette page a été corrigé et est conforme au fac-similé.
