rement de touz. Quant vint au jurer, le conte Symon leur dist que il gardassent bien comment il feroient le serement, quar en nule maniere, puis qu’il auroit juré à garder la constitucion, il n’iroit contre son serement. Assez tost après le roy et les barons orent autre conseil, et rapelerent la dite constitucion que il avoient promise à garder par leur serement, et vodrent que le conte Symon rapelast son serement ; et il respondi qu’il juroit ja contre son serement et que ja par lui ne seroit faussé pour ceste chose. Pour ceste chose mut grant haine et grant contens entre eus. Le roy Henri et Odouart son fiuz assamblerent grant ost contre le conte Simon ; et Rogier le conte de Glocestre[1] et ceus de Londres vindrent contre le roy à bataille et assamblerent delez une abbaïe que l’en apelle Leaus[2]. Tant ferirent et chaplerent ensamble que le roy fu menez à desconfiture ne ne pot durer contre la force au conte Simon. Si s’enfoui en l’abbaïe de Leaus et cuida eschaper ; mais le conte le quist tant qu’il le trouva et le mist en i chastel et Odouart son fiuz, et commanda qu’il feussent gardez honnestement.
Nouvelles vindrent au roy de France que le roi Henri estoit en prison par le commandement Symon de Monfort ; si en fu dolent et corrouciez. Si ala à Boulongne-seur-Mer et manda le conte Symon. Si tost comme il oït le mandement, il vint à Boulonge[3] et parlerent en-
- ↑ Le comte de Gloucester était alors Gilbert de Clare et non Roger (Ch. Bémont, op. cit., p. 212).
- ↑ Lewes, Angleterre, comté de Sussex. Cette bataille fut livrée le 14 mai 1264 (Ch. Bémont, op. cit., p. 212-213).
- ↑ Les négociations de Boulogne traînèrent en longueur à la fin de 1264 et au début de 1265 sans aboutir à un résultat (Ibid., p. 222-223).
