que l’en feist aumosnes au povres, et que les religions feissent pourcessions et prieres que Nostre Sires vousist garder son pueple. Avoec ce, il fu commandé au pueple qu’il se gardassent de jurer vilainement, et d’aler es tavernes pour les gloutonnies qui i sont fetes et dites. Tournoiemenz furent deffendus et joustes et hourdeiz.[1]Le roy commanda aus barons que tuit fussent garnis d’armes et de chevaus. Toutes manieres de geus furent deffenduz, fors de traire d’arc et d’arbaleste. Si avint que les Tartarins qui menoient si grant mestrise, furent soupris de diversses maladies et s’en retornerent en leur terre, et pluseurs en morurent.
Celle année que l’en estoit en si grant doute des Tartarins, s’assamblerent les puissanz hommes de Florence et alerent contre ceus de Saine la Vielle[3] pour desconfire touz ceus qui dedenz estoient, quar cil de Saine leur avoient fet grief et domage par la force Mainfroi, en qui garde Saine la Vielle s’estoit mise. Cil de Florence avironnerent la cité de toutes pars et commencierent forment à assaillir, ne ne cuidierent pas que cil dedenz eussent si grant pooir comme il avoient,
- ↑ Cette phrase a été supprimée dans le ms. fr. 2813.
- ↑ Guillaume de Nangis, Vie de saint Louis, dans Rec. des Hist. des Gaules et de la France, t. XX, p. 414-415 ; Chronique latine, t. I, p. 222.
- ↑ Sienne, Italie, ch.-l. de la prov. de Sienne. Sur ces luttes entre Sienne et Florence en 1260, voir Giovanni Villani, Historie Fiorentine, dans Muratori, Rerum italicarum scriptores, t. XIII, col. 205 et suiv.
