de Glocestre et de Herefort ; Rogier le Bigot, conte de Norfolcher[1] et mareschal de Angleterre ; Humfroy de Bomi[2], comte de Herefort et de Essex. Guillaume de Forz, comte de Albemalle[3] ; Jehan de Plessiz[4], comte de Warewik ; Hugue le Bigot, justicié d’Angleterre ; Pierres de Savoie ; Rogier de Mortemer ; Jehan Mansel, tresorier de Evervik[5] ; Phelippe Basset ; Richart de Grey ; James de Aldichel[6] et Pierres de Monfort, conseilliers nostre seigneur le roy d’Angleterre, saluz en Nostre Seigneur. Nous faisons assavoir que nous avons veue et entendue la forme de la paix qui est faite et jurée entre le noble roy de France Loys et le noble roy Henry de Angleterre, nostre seigneur, en telz paroles.
Henris, par la grâce de Dieu roys de Angleterre, sires d’Illande et dux de Aquitaine ; nous faisons assavoir à touz ceuls qui sont et qui avenir sont, que nous, par la volenté de Dieu, avec nostre chier cousin, le noble roy Loys de France, avons paix faite et affermée en ceste maniere : C’est assavoir que il donne à nous et à noz hoirs et à noz successeurs toute la droiture que il avoit et tenoit en ces trois eveschiez et es citez ; c’est à dire de Lymoges, de Caours, de Pierregort, en fiez et en demaines, sauf l’ommage de ses freres, se il, aucune chose y tiennent dont il soient si homme, et sauves les choses que il ne puet mettre
