les maufeteeurs s’enfouirent, ne nul n’i demoura qui tantost ne feust penduz ou destruit ; ne parenté, ne lignage, ne or ne argent ne le porroit garantir. Ice Boiliaue pendi son filluel pour ce que sa mere li dist qu’il ne se pooit tenir d’embler, et fist pendre son compere, pour ce qu’il renia i guelle de deniers que son hoste li avoit baillié à garder. Pour ce que la terre le roy fu franchie de pluseurs servages et pour le bon droit que le prevost fesoit, le pueple lessoit les autres seignorez pour demourer en la terre le roy. Si monteplia tant et amenda que les ventes et les saisines et les achaz et les autres levées valurent plus les iiii pars que quanque le roy i prenoit devant.
Une foiz avint que le roy chevauchoit parmi Paris. Si oï et entendi i homme qui jura trop vilainement de Dieu. Si en fu le roy forment corroucié en son cuer, et commanda qu’il feust pris, et le fist seignier d’un fer bien chaut et ardant parmi la levre de sa bouche, pour ce qu’il eust pardurable memoire de son pechié et que li autre doutassent à jurer vilainement de leur Crea-
- ↑ Guillaume de Nangis, Vie de saint Louis, dans Rec. des Hist. des Gaules et de la France, t. XX, p. 398-399. Cf. Joinville, chap. cxxxviii ; Geoffroi de Beaulieu, Vita et sancta conversatio piæ memoriæ Ludovici quondam regis Francorum, chap. xxxiii ; Vie de saint Louis par Guillaume de Saint-Pathus, éd. H.-F. Delaborde, p. 27.
d’avril 1270. Voir sur lui : Rec. des Hist. des Gaules et de la France, t. XXIV, 1re part., p. *23-*26, et surtout Borrelli de Serres, op. cit., t. I, p. 531-572.
