plus avant vers Puille pour la doutance de Mainfroi prince de Tarante.
Nouvelles vindrent à Corrat que son pere l’empereour Federic estoit mort et Henri son frere. Si li fu aviz que la terre li devoit apartenir ; si se fist faire chevalier et espousa la fille au duc de Baviere[1]. Après ce qu’il l’ot espousé, il sejorna une piece de temps avoec sa fame, et puis manda touz ses amis et leur pria qu’il li feussent en aide tant qu’il peust tenir le reanme de Sezile et la terre de Puille et de Calabre, aussi comme l’empereour tenoit ; et il respondirent qu’il li seroient tuit en aide. Lors assambla grant ost et se parti d’Alemagne et lessa sa fame ençainte de Corradin ; si passa parmi Romenie et s’en vint en Puille et commença forment à monter en la seignorie de Sezile et de Puille et assist la cité de Naples atout grant ost, pour ce qu’elle estoit de la partie de l’Église. Avant ce qu’il venist devant Naples, Mainfroy son frere y avoit esté v foiz pour prendre la cité, mais il n’i pot onques mal fere, ne de riens la cité empirier. Cil Corrat tint ceus de Naples[2] si estroitement qu’il se rendirent seur tel covenant qu’il les tendroit en autel estat comme il estoit devant, ne que ja la cité ne les murs ne les fortereces ne depeceroit ; et il leur promist et jura. Aussitost comme il en fu seigneur, il fist abatre les murs de la cité et les fortereces et toutes les meisons deffensables. Pour l’outrage qu’il en fist, Corradin son filz qui estoit el ventre sa mere ot la teste
