iiii mille[1], ançois pristrent les autres, si les apointierent de glaives et d’espées parmi les costez et leur firent les piez larder pour ce que il reniassent la foi crestienne et se tornassent à Mahommet et à sa loy. Par le torment que il reçurent, li pluseur renierent Dieu et sa douce mere et se tornerent du tout à la loi Mahommet. Les autres, qui furent très bons champions et vertueus et très fors en la foi crestienne, se tindrent forment en leur propos, tant qu’il soffrirent mort et conquistrent la vie pardurable sanz fin et la couronne de gloire.
Le roi fist aprester sa navie et volt retorner en France car il cuida certainement que les admiraus li tenissent son couvenant. Mais les messagiers qui retornez furent de Babiloine, li conterent la fausseté des Sarrazins, et que il avoient bien entendu que il ne tendroient foi ne serement qu’il li eussent en couvenent, et que il n’avoient delivré que la tierce partie des prisonniers crestiens. Quant il oï ce, il en fu forment corrouciez, et requist conseil qu’il porroit faire de tel besongne. Si li loerent les barons[3] qu’il ne se partist pas si tost de
- ↑ Vincent de Beauvais et Guillaume de Nangis ne disent que quatre cens.
- ↑ Guillaume de Nangis, Vie de saint Louis, dans Rec. des Hist. des Gaules et de la France, t. XX, p. 380-383. Cf. Joinville, chap. lxxxii-lxxxv ; Vincent de Beauvais, Speculum historiale, liv. XXXI, chap. cii.
- ↑ D’après Joinville (chap. lxxxiii), la majorité du conseil
