bataille. Devant le roy estoit i sergent d’armes que l’en apeloit Guillaume du Bourc la Royne[1], qui tenoit entre ses poins une grant hache et faisoit si grant abateiz et si grant occision que tuit li Sarrazin estoient esbahiz de sa grant force. Le roy li commença à crier à haute vois qu’il se rendist, car il doutoit mout que si bon sergent ne feust ocis. Et ne pourquant ja n’en feust eschapé, se ne feust crestien renoié qui li dist en englois qu’il se rendist, et il li sauveroit la vie. Tant ferirent et chaplerent les Sarrazins sus crestiens que tuit furent pris. Le roy estoit si malades qu’il ne se pooit soustenir ; si fu portez entre bras avironnez de Sarrazins, à la Maçourre[2]. Quant vint vers vespres, le roy demanda son livre pour dire vespres, si comme il avoit acoustumé, mès il ne trouva nul qui li poist baillier, car il estoit perduz avoec le harnois le roy. Si comme il penssoit dolens et tristes, en i seul moment, le livre fu aporté devant lui, dont cil qui entour lui estoient se merveillierent mout.
De toute la gent au roy de France qui avoec lui estoient alé à la Maçourre, n’eschapa fors le cardinal de Romme[3], qui s’en estoit partis i po devant ; et sil qui cuidirent eschaper parmi la riviere furent tuit pris et toutes leur galies et les biens qui dedenz estoient. Et
- ↑ Joinville, qui parle du dévouement de Geoffroi de Sargines en cette circonstance, ne fait pas allusion à Guillaume de Bourg-la-Reine, ni Guillaume de Nangis. Un sergent de ce nom figure dans les tablettes de cire de Jean Sarrazin ; on ne saurait dire que c’est le même personnage (cf. Rec. des Hist. des Gaules et de la France, t. XXI, à la table).
- ↑ Saint Louis fut pris le 6 avril 1250 (Lenain de Tillemont, t. III, p. 326-327).
- ↑ Eudes de Châteauroux.
