razins se combatissent les uns contre les autres, grant confusion leur en porroit venir et grant perte, et joie et profit aus crestiens qui sont leur anemis.
Onques, pour chose que il seust dire ne sermonner, le soudan n’en volt rienz faire ne soi acorder à la pais, et dit que tant comme cil de Babiloine seroient en sa terre, il ne treteroit de tel chose ; et se il ne lessoient le siege de Camelle, il se combatroit à euls.
Quant le message au califfe vit apertement qu’il ne porroit faire la pès par devers le soudan de Halape, si se parti de lui et ala en l’ost à ceus de Babiloine et leur dist le peril où il estoient, et que le soudan de Halape venoit seur euls a grant force de gent. Tantost comme les amiraux entendirent les paroles du message au califfe, il se partirent de Camelle et retornerent a grant partie de gent et d’autres choses à Damas où le soudan sejornoit griefment malade. Après ce que le soudan fu alegiez de sa maldie, il manda le mestre du Temple[1], qui mout estoit ses amis, et li dist que mout li sauroit bon gré s’il pooit tant fere que le roy de France s’en retornast en sa terre, et que trives feussent données et jurées jusques à une piece de temps entre euls. Le mestre du Temple respondi que volentiers il i metroit paine. Lors manda ses messagers et leur bailla letres pour porter au roy de France, esquelles letres il estoit contenu que bonne chose seroit de faire pais au soudan de Babiloine. Quant le roy entendi les letres, si li desplut mout, et aussi fist-il aus barons de France ; car, si comme aucuns disoient,
- ↑ Le grand maître du Temple depuis 1247 était Guillaume de Sonnac, qui fut tué le 11 février 1250. Cf. p. 149, note 2.
