vant lui, et li demanderent s’il estoit crestien. Et il respondi qu’il estoit crestien. Après, il li demanderent pourquoi il avoit envoié sa gent pour ocirre crestiens ? et il respondi que ce n’avoit-il pas fet puis qu’il fu crestienné. Mais il dist que ses devanciers avoient eu commandement en leur loy qu’il occeissent toute la mauvaise gent qu’il porroient trouver ; et pour ce commandement, il vodrent que l’en occeist les crestiens, car il cuidoient que ce feussent mauvese gent. Nostre Sires vous gart ! Sachiez certainement que nous vous avons mandé toute la contenance et la maniere des Tartarins puis que noz venismes en la leur terre. »
Quant le roy de France ot oïes et entendues les letres, il demanda aus messagiers le prince Eschartai, comment il sot qu’il devoit aler outre mer, et il respondirent : « Pour ce que le soudan de Babiloine avoit envoié lettres au soudan de Moisac[2], esquelles il estoit contenu que le roy de France venoit seur Sarrazins a grant ost et a grant navie et qu’il avoit pris par force xl nez toutes garnis qui estoient au roy de France. Et tout ce manda-il au soudan de Moisac par fraude et pour espoenter lei, car le roy n’avoit riens
- ↑ Guillaume de Nangis, Vie de saint Louis, dans Rec. des Hist. des Gaules et de la France, t. XX, p. 362-365 ; Vincent de Beauvais, Speculum historiale, liv. XXXI, chap. xciii. Cf. d’Achery, Spicilège, t. VII, p. 220-222.
- ↑ Moisac. On a voulu désigner Mossoul : le texte latin donne : « A soldano Mussule que scilicet olim vocabatur Ninive. »