orent fait leur garnisons, si se mistrent à la voie et passerent la grant mer, et arriverent au port d’Acre atout grant foison de chevaliers et de gent d’armes.
Quant il se furent reposé, missires Pierres, li dus de Bretaigne, et pluseurs de sa compaignie se departirent de l’ost sanz le conseil du conmun et sanz le congié au roy de Navarre qui estoit le mestre d’euls touz. Si s’en alerent toute nuit vers une grosse ville de Sarrazins et envoierent leur espies devant pour savoir la contenance des Sarrazins, qui leur raporterent que li Sarrazin ne se donnoient garde de leur venue. Et cil entrerent en la ville assez legierement, car il ne trouverent qui la deffendist et prinstrent touz les Sarrazins et mistrent en chaitivoison. Amauri le conte de Monfort, et le conte de Bar, et Richard de Chaumont, et Ansiau de Lille, et pluseurs autres de grant renon cuidierent aussi faire comme le duc avoit fait, et orent grant envie de ce que le duc avoit fait et de ce qu’il s’estoit ja tant avancié ; si se mistrent à la voie sanz le congié du roy et sanz le conseil du conmun, et chevauchierent toute la nuit armez seur leur chevaus, tant qu’il vindrent au matin près de la cité de Gaze qui siet en sablon. Cil de la cité avoient envoié espies qui bien avoient aperceu que les contes venoient, et que il avoient toute nuit chevauchié. Si s’armerent et issirent de la cité frès et nouviaus et leur vindrent au devant. Cil qui estoient travaillié et lassé de ce qu’il avoient toute nuit chevauchié ne porent durer contre euls ; si en ocistrent les Sarrazins tant comme il leur plot, et le remenant mistrent en liens et en fers[1]. En cele che-
- ↑ Sur la défaite des chrétiens à Gaza, qui aurait eu lieu le 13 novembre 1239, voir Rec. des histoires des croisades. His-
